Stop Accidentes e o Concello poñen en común unha axenda contra os accidentes

Compartir

Esta mañá, o concelleiro de Urbanismo, Infraestruturas e Mobilidade, Juan Díaz Villoslada, e o concelleiro de Educación e Memoria Histórica, Jesús Celemín, reuníronse coa delegada en Galicia de Stop Accidentes, Jeanne Picard, para abordaren un plan director de contornas seguras e accesibles para os centros educativos da cidade.

Villoslada sinalou que «o Goberno de Inés Rey ten un compromiso firme coa mellora das contornas escolares» e proba diso, asegurou, «son as recentes intervencións nas proximidades inmediatas aos colexios Anxo da Garda, Raquel Camacho, Zalaeta, Sal Lence e Pardo Bazán, a reurbanización da rúa Victoria Fernández España en que se peonalizou esta vía que dá acceso ao IES Menéndez Pidal de Zalaeta». O edil de Urbanismo lembrou que en Novo Mesoiro «tamén se habilitou unha parada de autobús escolar e un novo paso de peóns que afectan á mellora da contorna do novo centro educativo deste barrio».

Pola súa banda, Celemín apuntou que o Executivo local «escoita moi de preto as demandas da comunidade escolar para mellorar en todos os ámbitos os colexios e as súas contornas, pero sobre todo no que á seguridade do alumnado e do profesorado se refire».

O plan director que propoñen en colaboración o Concello da Coruña e a plataforma Stop Accidentes será un paso máis no coidado das contornas escolares.

Deja una respuesta

Tu dirección de correo electrónico no será publicada. Los campos obligatorios están marcados con *