Os Franco poñen á venda a Casa Cornide, na Cidade Vella

Compartir

Os herdeiros do ditador Francisco Franco veñen de pór á venda a Casa Cornide, un edificio da Cidade Vella do século XVIII que o Concello pelexa por declarar ben de Interese Cultural. Esta declaración obrigaría á familia Franco a abrir o inmoble a visitas do público un mínimo de catro días por mes. O palacio foi entregado a Franco por Pedro Barrié de la Maza, e conta con 1.430 m2 de superficie. O prezo de venda descoñécese.

Este movemento patrimonial da familia Franco sucede mentres pleitea co Estado polo emblemático Pazo de Meirás. A Casa Cornide, berce de persoeiros da ilustración galega como José Cornide, acolleu o concello durante o século XIX. En 1957 foi subastado e adquirido por Pedro Barrié de la Maza, quen llo cedeu a Carmen Polo, esposa de Franco, para as estadías da familia na cidade.

Deja una respuesta

Tu dirección de correo electrónico no será publicada. Los campos obligatorios están marcados con *