Fomento e Policía Local seguen coa desinfección das rúas

Compartir

Catro patrullas da Policía Local colaboraron onte entre as 20.45 e as 01.30 horas con dous camións da Demarcación de Estradas do Ministerio de Fomento na desinfección de varias vías, enmarcadas dentro das trece rutas que deseñou a Concellería de Medio Ambiente.

Unha vez que se finalizaron os itinerarios previstos e como aínda quedaba líquido na carga dos vehículos, estes pasaron tamén pola zona peonil da avenida da Mariña, desde Porta Real ao centro comercial Cantones Village; por Alcalde Manuel Casás, a avenida Ferrocarril, entre a estación de San Cristovo e a avenida de San Cristovo; Médico Devesa Núñez, en Lonzas (vía de acceso á Garda Civil, Cruz Vermella e Policía Nacional); Pérez Ardá en ambos os sentidos e o tramo que transcorre entre a Casa do Mar e o acceso ao Porto.

Deja una respuesta

Tu dirección de correo electrónico no será publicada. Los campos obligatorios están marcados con *